Ukuphupha Amaphoyisa Kusho Ukuthini?
Kujwayelekile ukuzwa noma ukuthola umbuzo ofana nalona wokuthi kusho ukuthini ukuphupha amaphoyisa. Leliphupho lenzeka kwabesilisa kanye nabesifazane ngokufanayo. Incazelo ke yalo futhi iyafana bese nje kwehluka ngokuthi likuqhamukele kanjani wena leliphupho.
Kusho Ukuthini Ukuphupha Amaphoyisa?
Ukuphupha amaphoyisa noma amasosha kujwayelekile ukuba nencazelo efanayo. Kwesinye isikhathi akubi nje amaphoyisa namasosha, kuyenzeka futhi kube ama security. Okuyaye kufane noma kwenze incazelo yaleliphuphupho ifane wukuthi bonke bavame ukuvela begqoke umfaniswano wokusebenza (uniform).
Ukuphupha amaphoyisa kusho ukuthi usuke uphupha ithonga ngqo. Kuyeke bese kwehluka ekutheni amaphoyisa uwabone enzani ephusheni.
Ngokomthetho amaphoyisa amele amathonga asesimweni esihle ngoba phela umsebenzi wamaphoyisa ukuqondiswa kwezigwegwe.
Kubalulekile ke ukuthi wena uzihlaziyele ukuthi ukuphupha amaphoyisa kwakho ngabe kungakuluphi uhlangothi. Ngisho ukuthini uma ngisho kanje?
Engiqonde ukukusho wukuthi ungawaphupha engasohlangothini lwakho noma uwaphuphe amaphoyisa emelene nawe.
Kusho Ukuthini Ukuphupha Amaphoyisa Engakuwe?
Lokhu kuwuphawu oluhle ke ngoba kusho ukuthi idlozi noma ithonga lisohlangothini lwakho. Ukuwaphupha ke amaphoyisa emelene nawe akulona uphawu oluhle neze. Lokhu kusho ukuthi kufanele ulisukumele leliphupho ikakhulukazi uma lilokhu liziphindaphinda.
Thola incazelo yamaphopho ku Whatsapp 083 451 5216
