Msane Clan Names and Praises

Izithakazelo Zakwa Msane, Clan Names With Praises

Mtimamnde,

Kunene, Majoka,

Nxaba kaMbhekane owabhekana nokuhlupheka, 

Madl'uvalo lwengonyama abanye bedl'olwenkomo, 

Mthantathwa, 

Mnguni wasOndini, 

Wena kaNonqewu, 

Wena kaMgobhozi, 

Ntetha, Vangisa,

Mageza ngobisi abanye begeza ngamanzi,

Mvuna

Msane Clan History

If you by any chance have access to correct history of Msane clan you are requested to please provide us via whatsapp number 083 923 1394

Izithakazelo Zakwa Mchunu, Mchunu Clan Names and Mchunu Praises

Izithakazelo Zakwa Mchunu, Clan Names, Mchunu Clan Praises

Mchunu, Macingwane, Yeyeza kaMvumbi,

Phakade, Wena wase Ngonyameni,

Jama ka Silwane,

Nyanda yemi khonto,

Phakade akagugi koze kuguge izingane zakhe,

Wena kano Gida ngo Bambo,

Ezinye izintombi zigida ngomshayelo.

Ndabezitha!

Izithakazelo Zakwa Mgobhozi Clan Names Praises

Izithakazelo Zakwa Mgobhozi, Clan Names and Praises

Mahlobo,

Qwabe,

Khondlo,

Mnguni kaYeyeye

Mpangazitha, Mgobhozi, Shoshakade kakhaba,

Mbayise kaMngoma, Sdinane wena owadina abakwa khuzwayo,

Hlobo luhle olunoboya

Mgobhozi Clan Names (History)

Uma unolwazi lwendabuko nomlando wesibongo sabantu bakwa Mgobhozi ungasithumelela wona ukuze siwubhale khona lapha.

Izinyanga Zonyaka NgesiZulu

Yizo Izinyanga Zonyaka NgesiZulu

January ngesi Zulu uMasingana

February ngesi Zulu uNhlolanja

March ngesi Zulu uNdasa

April ngesi Zulu uMbasa

May ngesi Zulu uNhlaba

June ngesi Zulu uNhlangulana

July ngesi Zulu uNtulikazi

August ngesi Zulu uNcwaba

September ngesi Zulu uMandulo

October ngesi Zulu uMfumfu

November ngesi Zulu uLwezi

December ngesi Zulu uZibandlela

Izithakazelo Zakwa Nkosi, Clan Names and Praises

Izithakazelo Zakwa Nkosi, Clan Names and Praises

Nazi izithakazelo zakwa Nkosi nama clan names futhi nama praises akhona. Kuya ngokuthi wena ufuna ukukubiza kanjani.

Ndlangamandla,

Mphazima, Mntungwa,

Mawandla kaNdlela,

Nina baseMandlovini,

Mlotshwa, Siwela,

Mphazima kaLanga,

Nina bakwaLanga libomvu, elashis'amabel'ezikhuthali,

Mabuya sezembethe'ugogwane,

Mlotshw’akangakanani, ngoba nasentendeni yesandl'uyahlala,

Wena owaphath'induk'emnyama washay'amanzi, kwavel'udaka,

Nkonjane yenkosi,

Mpangazitha.

Izithakazelo Zakwa Nkosi, Clan Names and Praises

Izithakazelo Zakwa Mncwango

Izithakazelo Zakwa Mncwango

Nazi izithakazelo zabantu bakwa Mncwango 

Mjaji ka Ngotshana,

Nsiba ka muntsha,

Makhumbuza uthuli,

Dubeni,

Mpangazitha oziphangayo,

Mncumbatha,

Wena owanyela emfuleni wenkosi wathi uyancwanga,

Mzingeli ka Mfekaye,

Phakathi wako Nkosi.

Ukuphupha Indoda Yakho

 Ukuphupha Indoda Yokho

Uma ungumuntu wesifazane kuyenzeka uzithole sewunikezele ngenhliziyo yakho kowesilisa thize bese eba yindoda yakho. Ukuphupha indoda yakho kuyaye kuye ngokuthi yisiphi isimo oyiphupha kuso

Ukuphupha Indoda Yakho Inqunu

Lokhu kungabika okuthize okuhambisana nezenzo zendoda yakho kodwa ke futhi kungenzeka kube yimicabanga yakho. Ukungamethembi umuntu wakho noma ngabe yindoda noma owesifazane akulungile ngoba kuholela emicabangweni ethile noma usulele.

Ukuphupha Indoda Yakho Imithisile

Njengoba ke sengichazile ziningi izimo ongaphupha kuzo indoda yakho. Kuba yizimo ezinhle futhi kube ezimbi. Uma ngabe kunezinto ongazethembi kahle lokho kuyayishintsha imicabango yakho ngomuntu wakho.

Ukuphupha umuntu wakho emithisile kusho ukuthi kukhona okungashayi amanzi kahle hle. Kunokwenzeka ukuthi sekukhona omunye empilweni yakhe. Kusenokwenzeka futhi ukuthi kukhona osemukhulelisile vele. 

Kusenokwenzeka futhi ukuthi leliphupho liyakuqwashisa ngokungakenzeki kodwa okunyelelayo. Akubi wukuthi usemithisile ngempe kuso sonke isikhathi. Vele ngeke uthande akuzwa izindaba ezinjalo ngakhoke uyaqwashiswa ngephupho ukuze usukume nawe ulwele ubudlelwane bakho nayo indoda yakho.

Ukuphupha Indoda Yakho Ikujolela

Kunokwenzeka ukuthi unama insecurities ngalowo wesilisa othandana naye aziveza emaphusheni akho kungathi uyakujolela.

Okunye nje ongakubheka la ukuthi umbonile yini lowo owesifazane obemithi nokuthi wumuntu omaziyo noma omsolayo yini ukuthi angakuthathela.

Ukuphupha indoda yakho ikujolela okungahambisani nalutho wena olwenzayo njengokusebenzisa umuthi kungabika ama insecurities nje angasho lutho. Kodwa uma kukhona isiwasho ogeza ngaso okwalezo zinsuku bese uphupha leliphupho kungabakhona elikukhombayo. Kufanele ugade impela.

Ukuphupha Indoda Yakho Iqonyiwe

Lokhu nakho kungakhomba ama insecurities ngokufanayo nje nokuphupha indoda yakho imithisile.

Ukuphupha indoda yakho ishawa abantu bakini kubika ukuthi kukhona lomuntu wakho angakwenzile kahle edlozini lakho. Kungaba wukuthi ninomntwana kodwa akamhlawulile. Kungenzeka futhi lokhu ngenxa yezizathu ezahlukahlukene.

THOLA IZINCAZELO ZAMAPHUPHO KU WHATSAPP 083 451 5216

Important Advice Kwezothando: 

Uma usothandweni futhi unomuntu ozimisele ngaye ukwakha naye ikusasa, kugweme ukumsebenzisela umuthi ngoba naye uhamba nedlozi. Into esincoma ukuthi uyisebenzise ukulungisa izinto zenu nokulwa nezitha ukuthola isiwasho esihlanganisiwe sokugeza nesokuxosha izichitho enishawa ngazo.

Khumbula ukuthi uma uthandana nomuntu kodwa usuke waba nobudlelwane ngokocansi nomunye umuntu, leyonto nje iyodwa iyaba yisichitho. Yingakho nje kubalulekile ukuthi uma unomuntu omusha uzihlambulule ngeziwasho ezingeyona ingozi.

You can order isiwasho sokuzihlanza nokuzihlambulula ku whatsapp 083 451 5216

 

Igobongo Elimhlophe Ledlozi

 Igobongo Elimhlophe

Igobongo nje inhlobo yalo wumuthi odliwa umuntu onabantu abadala. Uma unedlozi ufuna ukuvula izinhlanhla zakho noma inhlanhla yakho nokuthi idlozi likwazi ukuzikhulumela nawe into ezwakalayo, kuyaye kufanele udle igobongo elimhlophe.

Zininginingi ke izinhlobo zegobongo ezikhona. Futhi igobongo liyahluka indlela elenziwa ngalo iziko neziko elenzelwa kulo. 

Izinhlobo Zegobongo

Kukhona igobongo lomndiki, elomndawu, isambulo, elimhlophe nelenhlanhla. Kuyenzeka kubekhona nezinye izinhlobo zegobongo bese kuya ngokuthi idlozi lithi lona lifuna lenziwe kanjani. Amagobongo omndiki nomndawu kufanele aphothulwe uma eseqaliwe. Sizochaza ke kabanzi ukuthi aphothulwa kanjani amagobongo.

Lenziwa Kanjani Igobongo Elimhlophe

Uma ngabe igobongo elimhlophe lenziwa, njengawo onke amagobongo kuyaye kuthi liyamiswa. Kunesizathuke kuthiwe igobongo liyamiswa. Into nje ebalulekile kunazo zonke wuthi umuntu okumisela iggobongo kufanele abe nenhlanzeko esezingeni eliphezulu.

Uma ngabe uzodla igobongo kubalulekile ukuthi ugezwe kuqala. Okunye okubalulekile wukuthi waziswe ngayo yonke imigomo okufanele uyilandele ngesikhathi udla igobongo elimhlophe.

Ukuphupha Umuntu Enqunu

Kusho Ukuthini Ukuphupha Umuntu Enqunu

Empilweni siphila nabantu abaninginingi futhi abahlukene. Kuba nezizathu eziningi ezidala ukuthi abantu babe sezimpilwenini zethu. 

Abanye abantu siphilisana nabo ngenxo yokuthi siyazalana kanti abanye sihlangane nabo ezindleleni zethu zokuphila sagcina sesiphilisana nabo

Ukuphupha Umuntu Onqunu

Uma uphupha umuntu enqunu kufanele wazi ukuthi lelophupho libalulekile kakhulu futhi likukhombisa okuthile. Ngona akuwena osuke unqunu kusho ukuthi lokho okukhonjwa yileliphupho kuqondene nomuntu osuke umbona.

Kunokwenzeka ke ukuthi lomuntu omphuphayo uyamazi futhi umuntu ophilayo osondelene naye. Uma kunjalo kungenzeka ukuthi uyakhonjiswa okungalungile ngalowo muntu. Kunokwenzeka futhi ukuthi lowomuntu usuke ekusebenzisela umuntu.

Ezinhlotsheni zomuthi ezahlukahlukene, kukhona imithi okufanele ube nqunu ukuze uyisebenzise isheshe yenze lomsebenzi oyithumele wona. Ukuba nqunu uma usebenzisa umuthi kuyaye kuwunike amandla. Manje ke uma ngabe uphupha umuntu enqunu konokwenzeka ukuthi uyakugadla.

Ukuphupha umuntu enqunu omaziyo nomgamaziyo kahle kahle kusho isichitho lokho. Kufanele loluhlotshana lwamaphupho ulusukumele.

Ziningi ke izindlela ongasukuma ngazo ukuze ubhekane nqo nalomkhuba ngoba wona awulungile.

Ukuphupha Ulwa Kusho Ukuthini

Kusho Ukuthini Ukuphupha Ulwa?

Ukuphupha ulwa akuyona into ejwayelekile kodwa abaningi bayayiphupha ngenxa yezimo eziningi ezejwayelekile. Ziningike izindlela lelipho abanye abalichaza ngayo kodwa akuzona zonke ezishaya khona.

Ukuphupha Ulwa Nencazelo Yakhona

Noma yiluphike uhlobo lwemi kufanele kube nesiphetho ekugcineni. Yingakho ke nje uma uphupha ulwa, kubalulekile ukuthi ubulwa nobani futhi uyakwazi yini ukukhumbula ukuthi bekubangwani kulelophupho. Lokhu ke kusho ukuthi izincazelo zaleliphupho ziyehluka ngokwezigaba zalo depending on ezizinto engizibalayo.

Ukuphupha ulwa nomuntu omthandayo - Lokho kungaba wuphawu lokuthi nisazoqhamukela esimweni esingasihle kahle kodwa nguwena onomandla okwenza isinqumo esingagwema lesosimo.

Ukuphupha ulwa nomzali wakho - kuyenzenza uma nizalana bese ningaboni ngaso linye kwezinye izinto. Leliphupho kujwayelekile ukuthi libike ukudlula kobuhlungu owakuzwa ngenxabano eyake yabakhona kuwe nomzali wakho ngaphambili. Noma kungavamile kodwa liyakwazi futhi ukubika okusengenzeka ngaphambili. Uma kunjalo kusho ukuthi uyeqwashiswa.

Kuchazani Ukuphupha Ulwa Wehlulwe

Ukuphupha ulwa wehlulwe - lokhu kungasho ukuthi impi obhekene nawe ayingangawe kufanele wenze isinqumo. Mhlawumbe ungakhetha ukuyihlehlela noma futhi ukhethe ukuyihlomela ngaphezu kwalokhu okuhlomile manje. Amadoda ke ahloma ngezindlela ezehlukene kodwa indoda nendoda iyazazi ukuthi iqine kangakanani.

Okubalulekile ke nje ngawo wonke amaphupho ukuthi ayabika lokhu esikade singakunakile noma sikuthatha kancane nje. Kwesinye isikhathi kuyenzeka abike okwenzeka kudala empilweni yakho. Ubokwazi ke ukuthi kwesinye isikhathi usuke usudluliswa kukho ngokwenqondo nomphefumulo wakho.

Ukuphupha Ulwa Nomuntu Ongasekho

Lokhu kuthanda ukuba yimpica badala ngoba abantu abangasekho ngokuvamile kufanele babe yothonga kithi. Ngakhoke kufanele uma sibaphupha bavele kahle emaphusheni ethu. Uma bengaveli kahle lokho kusho ukuthi khona okusuke kungalungile.

Kuyenzeka ke kwesinye isikhathi umuntu ongasekho asetshenzwe abathakathi ebese ebuya ngenhloso yokufeza lokho abasuke bekuhlosile.

Ngingasho nje ngithi ukuba kuya ngami ngabe uma ukuphupha ulwa nomuntu ongasekho kwenzeka mhlawumbe kuphindelela, uhambe uye kulabo ababonayo uyozwa kubo.

Uma ufuna incazelo ngephupho lakho shiya umbuzo ngezansi kuma comments sizokuphendula. Okunye futhi ongakwenza ukubuza ngephupho lakho ku whatsapp 083 451 5216

Ukuphupha Amanzi Kusho Ukuthini?

Ukuphupha Amanzi

Ukuphupha amanzi akuyona into okufanele ikujabulise ngoba amanzi awuphawu lokungaqondakali. Uma sikhula siyawajwayela amanzi ezimweni eziningi ezahlukene. Kwesinye isikhathi siyawaphuza, siyageza ngawo, siyawasha okungcolile ngawo futhi sisenokwenza imicimbi yobungoma namasiko ngamanzi.

Ukuphupha Amanzi - Incazelo 

Ukuphupha amanzi kuwuphawu lokungabi nesiqiniseko ngento ethile empilweni yakho. Kuye bese kuya ngokuthi impilo yakho ikusiphi isigaba nokuthi yini le osabhekene nayo empilweni yakho. Kodwa wona amanzi, njengazo zonke izinto umdali azidalile futhi imvelo exhumana nathi ngayo ukudlulisela imiyalezo ethile, nawo asuke esixoxela udaba oluthile.

Kuyehlukake ukuphupha amanzi ngoba kuya nangokuthi ebenjani njengoba ukuwaphupha nje. Amanzi indalo yawo ayashintsha isimo sawo uma esesetshenzisiwe. Kodwa noma esenze ini ekugcineni ahlale engamanzi nje. Sikuchazile ke futhi ukuphupha ulwa ukuthi kusho ukuthini

Kuyenzeka ke uwaphuphe engcolile noma uwaphuphe ehlanzekile. Usenokuwaphupha emile nje eyixhaphozi futhi ungawaphupha egobhoza. Abanye bawaphupha encolile esesizibeni noma futhi encolile egobhoza. Zonke lezizimo zamanzi zinezincazelo esingeke sakwazi ukuzichaza zonke kulokhukubhala. Kodwa khona ukuphupha amanzi yinto okufanele uyisukumele ngokuya ngokubaluleka kwephupho lakho.

Ukuphupha amanzi ewudaka olumnyama kungasho isifo ozosizwa noma kungasekhona nje emndenini wakho. Kwesinye isikhathi kungasho ukuthi kukhona othakathayo emndenini wakho ophehla amanzi amnyama. Okunye esibhale ngakho okubalulekile wukuthi kusho ukuthini ukuphupha indoda yakho imithisile uma ungumuntu wesifazane

Ukuphupha Amanzi Adungekile

Kuhlukene ukuphupha amanzi adungekile ngoba kuya ngesimo owaphupha kuso. Kuyenzeke abike intwaso, inhlambuluko noma isichitho. 

Ukuphupha Amanzi Echitheka

Lokhu kungasho isimo sento oyilungisayo noma oyisebenzayo ihlakazeka bese ingaphumeleli. 

Ukuphupha Amanzi Amaningi Agelezayo

Uma ephusheni lakho amanzi egeleza kuvamile ukuthi kube amanzi ahlanzekile. Lokho kusho ukuthi isimo sakho sempilo asimile kodwa siyaqhubeka. Izinto ezingezimbi ziyaqhubeka ukuya phambili kuwe. Uma amanzi agelezayo engcolile kufanele uthathe izinyathelo uyohlola.

Ukuphupha Amanzi Olwandle

Amanzi olwandle wona athanda ukuhluka uma uwaphupha kunamanzi ajwayelekile. Akuvamile ukuthi amanzi olwandle abike okuhle.

Ukuphupha amanzi olwandle kuvamile ukuhambisana nezinkinga ezithize edlozini lakho. Kuvama ukuba yidlozi lenkaba yakho. Idlozi lenkaba yakho phela yileli lesibingo sakho.

Amanzi olwandle yiwona asetshenziswayo uma kusuke kugwezwa idlozi. Uma futhi kuguqulwa umsamo kuyaye kuyiwe olwandle. Ithonga nje lilonke ligwezwa olwandle.

Ukuphupha amanzi olwandle kungasho ukuthi kunezinto edlozini ezingahambi kahle okufanele ukuthi uzisukumele.

NB: Usuke unenhlanhla uma usakwazi ukuphupha ngoba amaphupho abalulekile kakhulu ukukhombisa uma kunezinto okufanele uzibhekisise empilweni yakho

Thola incazelo yamaphupho akho ku Whatsapp 083 451 5216.